Mag-subscribe

Menu

Ang Salita ng Diyos Ngayong Araw | "Tungkol sa Biblia (1)" | Sipi 268 Ang Salita ng Diyos Ngayong Araw | "Tungkol sa Biblia (1)" | Sipi 268
00:00/ 00:00

Ang Salita ng Diyos Ngayong Araw | "Tungkol sa Biblia (1)" | Sipi 268

00:00
00:00

Kung nais mong makita ang gawain ng Kapanahunan ng Kautusan, at makita kung paano sumunod ang mga Israelita sa landas ni Jehova, kung gayon dapat mong basahin ang Lumang Tipan; kung nais mong maunawaan ang gawain ng Kapanahunan ng Biyaya, kung gayon dapat mong basahin ang Bagong Tipan. Ngunit paano mo makikita ang mga gawain sa huling mga araw? Kailangan mong tanggapin ang pamumuno ng Diyos sa kasalukuyan, at makilahok sa gawain sa kasalukuyan, dahil ito ang bagong gawain, at wala pang nakapagtatala nito sa Biblia. Ngayon, ang Diyos ay naging tao at pumili ng ibang mga hinirang sa Tsina. Ang Diyos ay gumagawa sa mga taong ito, nagpapatuloy Siya mula sa Kanyang gawain sa daigdig, nagpapatuloy mula sa gawain sa Kapanahunan ng Biyaya. Ang gawain sa kasalukuyan ay isang daan na hindi pa kailanman nalakaran ng tao, at daan na walang sinuman ang nakakita. Ito ay gawain na hindi pa kailanman nagawa—ito ang pinakabagong gawain ng Diyos sa mundo. Kaya, ang gawain na hindi pa nagawa noon ay hindi kasaysayan, dahil ang ngayon ay ngayon, at hindi pa nagiging nakaraan. Hindi alam ng mga tao na ang Diyos ay nakagawa nang mas higit, mas bagong gawain sa mundo, at sa labas ng Israel, na lumampas ito sa saklaw ng Israel, at lampas sa mga ipinropesiya ng mga propeta, na bago at kahanga-hangang gawain ito na wala sa mga propesiya, at bagong gawain na lampas sa Israel, at gawain na hindi maaaring mahiwatigan o akalain ng mga tao. Paanong ang Biblia ay naglalaman ng malinaw na mga talaan ng nasabing gawain? Sino ang maaaring magtala ng bawat isang kapiraso ng gawain ngayon, nang walang makakaligtaan, sa patiuna? Sino ang maaaring magtala nitong mas makapangyarihan, mas matalinong gawain na sumasalungat sa kinaugalian na nasa lumang inaamag na libro? Ang gawain sa kasalukuyan ay hindi kasaysayan, at dahil dito, kung nais mong lumakad sa bagong landas ngayon, sa gayon kailangan mong lisanin ang Biblia, dapat mong higitan ang mga aklat ng propesiya o kasaysayan na nasa Biblia. Saka ka lamang maaaring makalakad sa bagong landas nang maayos, at saka ka lamang makakapasok sa bagong kaharian at sa bagong gawain. Dapat mong maunawaan kung bakit, ngayon, hinihiling na huwag mong basahin ang Biblia, kung bakit mayroong ibang gawain na hiwalay sa Biblia, kung bakit ang Diyos ay hindi na naghahanap ng mas bago, mas detalyadong pagsasagawa sa Biblia, kung bakit sa halip ay mayroong mas makapangyarihang gawain sa labas ng Biblia. Ito ang lahat ng dapat ninyong maunawaan. Kailangan mong malaman ang pagkakaiba sa pagitan ng luma at bagong gawain, at kahit na hindi mo binabasa ang Biblia, dapat kaya mo itong suriin; kung hindi, sasambahin mo pa rin ang Biblia, at magiging mahirap para sa iyo na makapasok sa bagong gawain at sumailalim sa mga bagong pagbabago. Yamang mayroong mas mataas na daan, bakit mag-aaral ng mas mababa, makalumang daan? Yamang may bagong mga pagbigkas, at mas bagong gawain, bakit mamumuhay sa gitna ng lumang makasaysayang mga talaan? Ang mga bagong pagbigkas ay maaaring makapaglaan sa inyo, na nagpapatunay na ito ang bagong gawain; ang mga lumang talaan ay hindi magagawang pagsawain ka, o tutugon sa iyong kasalukuyang pangangailangan, na nagpapatunay na kasaysayan ang mga ito, at hindi gawain ng dito at ngayon. Ang pinakamataas na daan ay ang pinakabagong gawain, at sa bagong gawain, kahit gaano pa kataas ang daan ng nakaraan, ito pa rin ay kasaysayan ng mga pagninilay ng mga tao, at kahit gaano pa ang halaga nito bilang sanggunian, ito pa rin ay lumang daan. Kahit na ito ay naitala sa “banal na aklat,” ang lumang daan ay kasaysayan; kahit na walang nakatala nito sa “banal na aklat,” ang bagong daan ay ang dito at ngayon. Ang daan na ito ay maaari kang iligtas, at ang daan na ito ay maaari kang baguhin, dahil ito ang gawain ng Banal na Espiritu.

Hinango mula sa Ang Salita ay Nagpapakita sa Katawang-tao

Ang Diyos ay Nakagawa ng Higit at Mas Bagong Gawain sa mga Gentil sa mga Huling Araw

I

Dapat mong basahin ang Lumang Tipan, kung nais makita ang gawain ng Kapanahunan ng Kautusan, kung pa'no sumunod mga Israelita sa landas ng Diyos. Dapat mong basahin ang Bagong Tipan, kung nais malaman ang gawain ng Diyos sa Kapanahunan ng Biyaya.

II

Dapat mong tanggapin pamumuno ng Diyos ng ngayon, kung nais malaman ang gawain ng mga huling araw. Kailangan mong pumasok sa gawain ng ngayon, dahil ito ay bagong gawain, wala sa Biblia. Ngayon Diyos ay nagkatawang-tao, pumili ng ilan sa China, patuloy na gumagawa sa kanila mula sa Kapanahunan ng Biyaya. 'Di alam ng tao na Diyos ay nakagawa ng higit, mas bagong gawain sa lupa, sa labas ng Israel at sa hula ng mga propeta. O, kahanga-hanga! Gawain ng Diyos sa labas ng propesiya, lampas sa imahinasyon ng tao, mga imahinasyon.

III

Ang gawa ng Diyos ngayo'y landas na 'di pa nalakaran o nakita ng tao, pinakabagong gawa Niya sa lupa na hindi pa nagawa kailanman. Sino ang maaaring nagtala nito sa Biblia, paunang nagtala nang walang nakaligtaan?

IV

Sino'ng makapagtatala ng dakilang gawa humahamon sa nakaugalian sa lumang aklat? Ang gawain ngayo'y hindi kasaysayan. Higitan ang Biblia upang malakaran ang bagong landas, higitan ang mga propesiya at kasaysayan. Matatahak mo ang landas nang maayos, makapapasok sa bagong kaharia't Kanyang gawaing bago! 'Di alam ng tao na Diyos ay nakagawa ng higit, mas bagong gawain sa lupa, sa labas ng Israel at sa hula ng mga propeta. O, kahanga-hanga! Gawain ng Diyos sa labas ng propesiya, lampas sa imahinasyon ng tao, mga imahinasyon, imahinasyon. 'Di alam ng tao na Diyos ay nakagawa ng higit, mas bagong gawain sa lupa, sa labas ng Israel at sa hula ng mga propeta. O, kahanga-hanga! Gawain ng Diyos sa labas ng propesiya, lampas sa imahinasyon ng tao, lampas sa imahinasyon ng tao, mga imahinasyon.

mula sa Sumunod sa Cordero at Kumanta ng mga Bagong Awitin

Mag-iwan ng Tugon